محمد حنفي
منذ ساعات قليله انتهت فعاليات مهرجان مبادرة مواهب مصرية لعام 2024 الموسم الثامن وحصل بيتر هاني علي المركز الاول حيث انه حصل علي المركز الاول في الموسم السابع وحصل علي المركز الثاني في الموسم السادس وعاد بقوه ليحصل علي المركز الاول في الموسم الثامن ” ترانيم فردي ” في ادائه ترنيمه تراث ” سأدنو منك ياربي ” وحصل علي الميداليه الذهبيه ودرع كريستال وشهاده تقدير وجائزه ماليه.
كما عبر ايضًا بيتر هاني عن مدي سعادته بفوزه بالمركز الاول بمنشور علي صفحته الرسميه الخاصه به علي السوشيال ميديا “ سبق وعديت من أزمه شبه دي بالظبط ، ورجوعي واستمراري كان مدهش للكل واولهم اللي افتكر .غيابه أزمه في حياتي>
كله بيبان بالأيام ” المهم الكرامه والهيبه ” عارف احساس الخوف من حاجه معينه وان خلاص بقي عندك حلم جديد وهدف لازم توصله وتحققه ومش فاضل وقت كتير !!؟ وتقعد بالايام تروح بروفات ، وتقعد لساعات طويله جدًا تذاكر وتحفظ مقامات جديده عليك وتطور من نفسك وتكون مستعد لبدايه حلم جديد وكل ماتنام تحلم بالحاجه دي كتير أوي وفي يوم وليله تلاقي حلمك اللي كنت بتحلم بيه بيتحقق قصاد عينيك والخوف اللي كان جواك وماليك اتحول وبقي نجاح وتلاقي دموعك بتنزل تلقائي وانت بتستلم جايزه المركز الاول علي مستوي الجمهوريه .. الطموح جميله بس انت صدق حلمك وانت هتوصل وهتحقق كل اللي بتتمناه.
وتابع : ” في وقت استلام الجايزه قولتله في سري شكرًا ليك يارب علشان انا ابقي بنكر جمايلك عليا لو قولت اني مش شايف خيرك اللي مغطيني .. خليك دايمًا شخص ناجح لنفسك مش للناس علشان الناس عمرها ماهتستني تشوفك للحظه واحده شخص ناجح ومبسوط في حياتك !! انت بس اللي هاتكون منتظر لحظه نجاحك وانت بس اللي هتعرف تعمل كده مش هما ركز دايمًا علي هدفك لحد مـ توصله وتحققه”.
واختتم : ” احساس النجاح دا نعمه ربنا يديمها في حياه كل واحد بيتعب علشان يحقق اللي بيتمناه والاجمل ان المتعة بتكون دايمًا في الرحلة مش في الوصول وكل ماتشتغل بالقليل اللي عندك هتلاقي يسوع يشتغل بالكتير اللي عنده علشان دايمًا قوته في الضعف بتظهر وسهل جدا جدا انك تحلم بس صعب انك تحقق الحلم بدون معافره طويله عايز اقول لكل واحد كلمني وشجعني شكرًا ليكم ولمحبتكم وتشجيعكم “.
