محمد حنفي
ابدت الفنانة الفت عمر إعجابها الشديد بالعمل المقدم من قبل فريق مسلسل الحشاشين ، والذي يذاع حصريا خلال شهر رمضان عبر شاشة قنوات dmc.
وقالت الفت عمر عبر صفحتها الرسمية على موقع التواصل الاجتماعي فيس بوك “والله عمل صعب جدا جدا واضح فيه مجهود الرجاله اللى شالوه على ايديهم لحد ما وصل عالشاشه من حروف الى صورة بارعه فى ظل زمن فيه اشباه الفنانين والتفاهه والاستسهال مسيطرين علينا”.
واضافت “شابوه لكل ايد اتمدت وساعدت ان العمل ده يطلع للنور وانه يتعمل من الاساس من بدايه الفكره للمؤلف الكبير الاستاذ اووووووى عبد الرحيم كمال المختلف المثقف اكبر من اى كلمه هقولها انه يبحث فى التاريخ ويكتب عمل صعب كده بكل تفاصيله بجد مجهود كبير اوى يتشال عالراس”.
وتابعت “تحمس شركة الانتاج اللى بيدل على وعى كبير اوى وفهم لما نحتاجه فى هذا الواقع القاسى كمرحله فنيه مليانه بالهبل والعبط الفنى شابوه لكل رجالة الانتاج لانه واضح جدا المجهود وعددهم كمان واضح جدا”.
واختنمت بقولها “نهاية بالمخرج وفريقه اللى قرر ياخد على عاتقه انجاح عمل صعب بالشكل ده ينافس فى تفاصيله اعمال عالميه فى كل جوانب العمل ويسعى لتدريب الممثلين ليظهروا امام الكاميرا بأداء بارع مختلف عن كل ما قدموه ويسعى لتدريب والسيطره على كل العناصر خلف الكاميرا دون ان يفهموا كل ما يجول بعقله فقط ليظهر العمل للنور بحجم البراعه والاتقان لما نراه عالشاشه بكل تفاصيله حتى لو فيها بعض ما لا يعجب البعض ، عزيزى المشاهد عندنا عمل عظيم وصورة واضاءه تنافس العالميه حقيقى والجرافكس كمان واماكن التصوير والديكورات
العمل وبكل تفاصيله ينافس العالميه ،عمل للزمن فقط ، شااااااابوه”.
مسلسل الحشاشين من بطولة كريم عبد العزيز وفتحي عبد الوهاب وميرنا نور الدين وأحمد عيد وإسلام جمال ونيقولا معوض وعدد آخر من الفنانين ، تأليف عبد الرحيم كمال وإخراج بيتر ميمي.
وتدور الأحداث في إطار تاريخي، في القرن الحادي عشر، حول زعيم الحشاشين (حسن الصباح)، وقيادته للفرقة التي اشتهرت بتنفيذ عمليات اغتيالات دموية لشخصيات مرموقة في تلك المرحلة.