محمد حنفي
قرر اشهر بلوجر للخروجات في مصر احمد سعد رعاية حملة كبيرة تتيح الفرصة للخروج من اجل الكلاب وذلك عبر صفحته الرسمية على موقع التواصل الاجتماعي فيس بوك.
وقال احمد سعد عبر فيس بوك “مش عارف اجبهلكم ازاى بجد .. بس الخروجة دى للكلاب ، ده المكان الوحيد فى اسكندرية اللى ممكن تخرج وتدلع فيه كلبك ، تدلعه حرفيا لانه بياخد شور ويتم تجفيفة بواسطة محترفين علشان يبقى جاهز للعب والتنطيط بس لحسن الحظ ينفع تخرج معاه اهلا بيكم فى Pups & Cups”.
واضاف “أنا كنت اخر واحد ع الكوكب ممكن يعمل الريفيو ده لان عندى فوبيا من الكلاب .. بس بعد الخروجة دى بقيت حاسس انى مش هعرف اعيش من غير كلب مش هتكلم عن اى تفاصيل لان دى تجربة تتعاش مش تتحكى هنخرج كلنا مع بعض يوم الجمعة القادمة ٤ فبراير الساعة ٣ عصرا علشان نعيش التجربة مع بعض”.
وتابع بقوله “عايزين بقى نستغل الخروجة دى ونختار كلب نعمل له عيد ميلادة إحنا هنوفر كل حاجة علشان نعمل عيد ميلاد جامد ، مش هقدر اقولكم منشن للكلب اللى بتحبه بس عرفوا اننا هنفرحه يوم الجمعة الجاية”.
واختتم بقوله “فانز القاهرة اللى تحب تروح معانا تعرفنا فى التعليقات وطبعا كل فانز اسكندرية لازم يبقوا معانا دى فرصة مش بتيجى كتير علشان نقضى يوم مع بعض عنوان الكافية : محرم بك – الطريق الدائرى – مقابل ابيس العشرة”.